Fredag 13.11. kl 1300 på biblioteket på Nærbø. Fri adgang. Kaffi. ALLE er hjereleg velkomne
Arrangement i regi av Hå historielag i samarbeid med Hå bibliotek
Dette seier Astrid Topdal om føredraget sitt:
Berre få år etter at Norge var frigjort frå tysk okkupasjon , vart unge menn fra Hå sende til Tyskland som ein del av førstegongstenesta.
Mange var berre 19-21 år gamle. Der møtte dei eit land prega av ruinar, fattigdom og store flyktningstraumar.
I søken etter historia til morfar min, John Sæland som gjorde teneste i Tyskland i 1949, har eg samla historiar om unge menn frå Hå.
Gjennom samtalar med tidsvitne, brev, dokument og fotografi deler eg kvifor dei vart sende til Tyskland etter krigen, kva oppdraget var, og korleis den kalde krigen endra tenesta.
Det blir eit føredrag med humor og alvor- om blant anna reisa, vakthald, øvingar, sakn, kameratskap, garpastrekar ,permisjonar og gleda ved å koma heim.
Astrid Topdal fekk Hå kommunes kulturpris for 2024 bl.a. for arbeidet med dokumentarfilmen "Minner fra melkespannas tid".
Hå historielag og Jæren kystlag har i år gleda av å invitere medlemer, samarbeidspartnarar og vener til det tradisjonelle, felles julemøtet vårt, torsdag 26.11.kl 1900 på Nærbø samfunnshus Vi samlast til ein triveleg førjulskveld med god mat, drøs og kulturelt påfyll.
Dette føredraget kan du nå sjå på YouTube, søk TV Jæren og Tuberkulose eller bruk lenkja du får fram under "Les mer" Tysdag 27/1-26 kl. 19.00 på Hå bibliotek, Dalvegen 21, Nærbø tek Lars Haarr, pensjonert lege og professor i ved UIB, som nå bur på Vigrestad, oss med på ei reise i tida då tuberkulosen herja. Tuberkulose er den infeksjonssjukdomen som i dag tek flest liv rundt i verda. I Noreg nådde sjukdomen toppen kring år 1900 med 6000-7000 dødsfall årleg. Det var om lag 20 % av alle dødsfall. Sjølv om årsaka, tuberkelbasillen, vart oppdaga i 1882, fekk ein ikkje effektiv medikamentell behandling før etter andre verdskrigen. Då kom også BCG-vaksinen i bruk hjå oss. Før dette hadde pasientane på sanatorieopphald rundt i landet. Denne folkesjukdomen var så viktig og alvorleg at Noreg fekk ei tuberkuloselov i 1900.
I mars vert det bedriftsbesøk på Haaland Tynnplate A/S i Stokkelandsmarka, Dette vert kl. 19.00 18/3-26. Meir informasjon kjem.
Den 5. mai 2026 kl. 18.00 vil forskar og prosjektleiar ved Arkeologisk museum, Universitetet i Stavanger Barbro Irene Dahl vil fortelje om gravfelta på Kvassheim. Her vert først litt informasjon inni i kafeen ved Kvassheim fyr, deretter vert her ein tur ut på sjølve gravfeltet og til slutt eit vidare føredrag inne i kafeen igjen. Oddrun Aksnes vil kanskje fortelje litt om Friluftsrådet, som driv Kvassheim fyr, etterpå.
Det vart lagt ned Snublestein til minne om Ludwig Adolf Melzer på Ogna skule 13.06.2019.