25.11.2025 kl. 19.00, Jærbuen, Torlandsvegen 4, Nærbø Julemøtet vert på Jærbuen kor maten er i høgsetet og borda vert stileg pynta. Her får vi sursteik med poteter, grønsaker, waldorfsalat og rørte tyttebær til middag, desserten er karamellpudding med krem, toppa med ei iskule og karamell. Kaffi og te vert her også. Arrangementet vert saman med Jæren Kystlag. Føredrag av Ernst Baasland om landbruksskulestyrar og prest Jan Adolph Budde. Presentasjon av Jæren Kystlag og kanskje her også vert utlodding av ein flott trebåt. Presentasjon og sal av årboka til Hå historielag. Påmelding innan 18/11-25: e-post kvalbein@mail.com eller mob: 913 86 611 Pris: kr. 550,- Vipps #102224 eller til kontonr. 3335 31 40375 (merk med namn og julemøte)

19.02.2025 kl. 19.00, Lensmannsløa, Løehagen 10, Varhaug Mange hugsar sikkert at det var lokale musikkband som spelte opp til dans for fulle hus på Nærbø, Varhaug, Vigrestad og Brusand i 1960-70 åra. Kvifor vart det slutt på dansane? Me får besøk av Martin Stangeland og Asbjørn Enoksen som spela i orkestra Magics og Starfighters. Dei vil vise video og bilete frå den gong. Etterpå vert det årsmøte i historielaget. Gratis inngang. Servering.

20.03.2025 kl. 19.00, Lensmannsløa, Løehagen 10, Varhaug Arne Heggheim vaks opp som Third Culture Kid i Kamerun i Afrika. Han vil fortelje glimt frå afrikansk historie, hans oppvekst i landet og frå 8 år som misjons-lege i Kamerun. Heggheim er pensjonert gynekolog og har arbeida bl.a. 26 år ved Kvinneklinikken på SUS. Servering av kaffi/te og kaffimat Inngang kr. 100 for medlemmer, andre kr. 150.

16.01.2025 kl. 19.30 Vigrestad misjonshus - OBS: Endra klokkeslett I artikkelserien «Fra det mørke fastland», som stod på trykk i Verdens Gang januar-mars 1893, teikna Arne Garborg eit dystert bilete av Stavanger og Jæren. Garborg smurde tjukt på, og mange har meint at han var urettferdig. Men uttrykket har blitt hengande ved oss, og ikkje eingong oljealderen har greidd å ta heilt knekken på det. Det er 130 år sidan Garborg skreiv artiklane sine. Korleis tek dei seg ut i ettertid? Jan Zahl er frå Bryne og arbeider som kulturjournalist i Stavanger Aftenblad. Han har skrive fleire bøker, mellom anna om Bryne FK og Kaizers Orchestra. Inngang kr. 100 Arrangør: NMS Vigrestad og Hå historielag

23.10.2024 kl. 19.00 Jærmuseet, Kviavegen 99, Nærbø. I foredraget vil Anne Jorunn Frøyen snakke om pelsdyrhaldet på Jæren frå det blei ei inntektskjelde rundt 1930 og fram til den siste farmaren la ned drifta hausten 2022, etter politisk dramatikk. Frøyen er historikar og har arbeida i Jærmuseet sidan byrjinga av 2000-talet, interessefeltet er jordbruk og særleg endringar i kulturlandskap og drift sidan byrjinga av 1800-talet. No arbeider ho med dokumentasjon av pelsdyrnæringa i Rogaland. Enkel servering, inngang medlemmer kr. 100, andre kr. 150.