30.08.2025 frå kl. 9.30 avreise frå Varhaug ungdomsskule Bussturen i år går sørover, opplegget er ikkje heilt klart, men det vert besøk og middag på Jøssingfjord vitenmuseum kor natur, menneske og teknologi møtes. Dette ligg like i nærleiken av den historiske Helleren. I tillegg vil ein få innblikk i Altmark-saka 16. feb. 1940, som sette Jøssingfjord på kartet internasjonalt. Her får ein sjølvsagt også vite meir om geologien i området som består av den sjeldne bergarten anortositt og kor ein finn dei største reservane i verda av ilmenitt utvunne av Titania A/S. Pris: kr. 650,-

21.09.2025 kl. 12-16, Grødaland 64, Nærbø Eplekaker, smør og gamle spel.

16/10-25 kl. 19.00, Hå folkebibliotek, Nærbø Svein Arne Hapnes er pensjonert seksjonsoverlege, anestesiavdelingen, SUS. Han har vore tilknytta luftambulansetenesta sidan oppstarten i juni 1981 og fram til han vart pensjonist,- til saman om lag 37 år. Samstundes arbeidde han også i redningstenesta med Sea King redningshelikopter 1980-2010. Begge desse tenestane vil han gje glimt og minner frå i dette føredraget. Hapnes vart portrettert i Stavanger Aftenblad sin reportasje kalla «Livredderen» i juni 2016 i samband med at han skulle gå av med pensjon. Servering av kaffi/te og kaffimat Inngang kr. 100 for medlemmer, andre kr. 150.

25/11-25 kl. 19.00 Julemøtet vert på Jærbuen kor maten er i høgsetet og borda vert stileg pynta. Det er ikkje avgjort ennå om fleire lag skal vere med på dette møtet, derfor er heller ikkje emnet for møtet klart ennå. Innhald, middag og pris kjem vi tilbake til

10.04.2025 kl. 19.00, Lensmannsløa, Løehagen 10, Varhaug Rømmingsekspert og skapsprengar-konge blei Kåre Palmer Holm kalla. Han var ein lokal Gjest Baardsen og blei kjendis både i Rogaland og resten av landet då han rømte frå fengselet i Stavanger og lurte politiet trill rundt i to vekers tid sommaren 1959. Han sendte brev til Aftenbladet mens han var på rømmen og ringte til Aftenblad-redaktøren midt på natta. Folk tykte det var spennande å lesa om han i avisa og mange var litt skuffa då han blei tatt. Ti år tidlegare hadde han eit liknande eventyr i Trondheim. Han var ein mangfaldig mann og han enda som vaktmeister og ungdomsarbeidar i Stavanger. Journalist og forfattar Jone Laugaland fortel om denne fargerike mannen. Servering av kaffi/te og kaffimat. Inngang kr. 100 for medlemmer, andre kr. 150.